近排有好多朋友都whatsapp話對計劃有興趣， 或者我哋都喺呢度再畀多啲資料畀大家啦 ！
有啲乜嘢人士適合參加呢個計劃呢 ？
啱啱想創業而又希望做飲食業嘅朋友，就最適合參與呢個計劃啦！ 因為我哋嘅共享費用係維持喺非常合理 的水平。 當然，呢個合理嘅水平 唔代表係會免費嘅｡ 在商言商，相信大家做生意都會計一計數｡只不過我哋係希望創造到雙贏局面 ｡呢一點 希望大家會明白 。
喺香港做飲食業嘅成本非常之大 ， 因為喺香港做飲食業一定要有牌照 。如果係全新舖就要搵牌佬裝修， 如果係二手舖就要頂手費 。基本上都要 20至30萬，當然，睇你申請咩牌照，同埋你個鋪嘅size係幾多啦。 你參與我哋呢個計劃就完全 唔需要負擔呢一筆費用， 因為我哋已經幫你承擔咗。
除咗慳咗頂手費 ，咁仲有冇其他著數呀？
好多創業新手失敗嘅原因就係因為無一個合理嘅營運方案， 同埋冇人教路。 如果你參與咗呢個計劃 ，我哋會提供營業建議 ，同埋分享一啲實際操作嘅竅門，等你做好盤生意。 呢樣嘢相信已經可以幫到大家 事半功倍， 盡快踏上軌道。 點解我哋會咁好呢？ 因為我哋尋求嘅係長遠嘅合作關係。
舖頭位置冇旺角咁旺喎， 我有啲擔心喎！？
相信大家都會得閒去八下唔同地區，唔同舖位嘅租金 。一個好旺嘅場或者旺區，租金一定貴 。因為業主唔係傻嘅 ，佢見到嗰度人流咁多，一定會將個租金提高。 如果你哋有興趣可以去八下葵涌廣場嘅舖位幾多錢 ，而生意額又係如何 。昂貴的租金對啱啱創業嘅你，又係唔係負擔得起呢？
喺未有互聯網出現嘅年代， 我哋都好認同鋪頭仔喺旺區， 一定係有絕對優勢。但係今時今日，隨著互聯網嘅發展，相信大家都會聽過 deliveroo, foodpanda 等等嘅一啲外賣嘅服務供應商。 呢樣嘢證明咗 ，而家喺香港呢個地區 ，舖頭個位置 已經無以前咁重要 ，只要你嘅出品 夠好，夠正 ，基本上你嘅客人係來自全香港 ， 而唔係淨係你舖頭所在嘅地區。
當然，我哋舖頭嘅位置 ，其實係有相當嘅人流， 而且門面醒神， 只係要學識點樣將啲人流引導去買你嘅產品。 呢個係做生意嘅必修科， 我哋都會同你分享呢個秘訣 |
發表於 2017-10-31 15:13
| 
發表於 4 天前 10:40 | 
熱門 : 貸款 報稅 成立公司 商務中心 生意買賣 紅酒 奶粉 代購 批發 投資 按揭